Prosiect Adrodd Straeon NIACE Dysgu Cymru 2007-08

 

Yn 2005 galluogodd NIACE Dysgu Cymru rai dysgwyr hŷn i greu Straeon Digidol am eu profiadau dysgu. Bu’r diddordeb a ddangosodd un o’r dysgwyr mewn datblygu eu sgiliau newydd mewn technoleg gwybodaeth yn ysbrydoliaeth i ddatblygu prosiect newydd.

 

Derbyniwyd cyllid gan Cymunedau@Ei Gilydd, rhaglen cynhwysiant digidol sy’n derbyn cyllid o Ewrop am brosiect sydd i orffen ddiwedd mis Rhagfyr 2008. Bu denu pobl hŷn i adrodd eu straeon yn y fformat digidol hwn yn ffordd ardderchog o’u cyflwyno i dechnoleg ddigidol. Pan fo pobl yn gweld straeon digidol eraill a wnaed gan bobl megis hwy, mae’n eu hysbrydoli i fod eisiau gwneud yr un fath. Er y gall rhai ofni'r dechnoleg ar y dechrau, erbyn y diwedd mae ganddynt bob rheswm am ymfalchïo yn y   cynnydd terfynol a welant ar y sgrin arian neu’r sgrin deledu. Aeth mwyafrif helaeth y bobl a gymerodd ran yng ngham cyntaf y prosiect ymlaen i ddilyn rhai dosbarthiadau pellach ar ddysgu unigol yn defnyddio technoleg gwybodaeth.

 

Yn ogystal â llwyddo i gael pobl hŷn i fynd i’r afael â thechnoleg newydd mae hefyd wedi dod ynghyd â chofnodion diddorol tu hwnt o hanes lleol a straeon cymunedol, rhai straeon digri i ddod â gwên i’ch wyneb, straeon sydd â negeseuon iechyd a chodi’r llen ar wahanol ffyrdd o fyw mewn tair iaith wahanol.

 

Cafodd pob stori ei hysgrifennu, eu recordio a’i golygu gan ei hawdur sydd hefyd wedi defnyddio amrywiaeth o feddalwedd i sganio a thrin ffotograffau a delweddau arall a rhoi’r mini-ffilmiau at ei gilydd. Mae pob un tua 2-3 munud.

 

I weld y straeon a wnaed gan bobl hŷn yn 2008 gweler  

I weld y straeon a wnaed gan bobl hŷn yn 2005 gweler